ڕۆژ نیه له ناوچه سنوورییهکان هێزه چهکدارهکانی ڕێژیمی ئیسلامی بۆ پۆلێک له شهریفترین کهسهکان که ئامادهن بۆ پارووه نانێک مهترسیدارترین ڕێگا بگرنه بهر، بهڵام نانی سهرشۆڕیو چاولهدهستی نهخۆن؛ نهچنه کهمینهوه.
ڕهوتی بهردهوامی کوشتاری کۆڵبهرانو کاسبکارانی زهحمهتکێشی کورد لهلایهن هێزه چهکدارهکانی ڕێژیمهوه له حاڵێکدایه که بهپێی ئاماره ڕهسمییهکان له ساڵدا، بایی پتر له ٢٥ میلیارد دۆلار کاڵاو شمهک به قاچاغ دێته ئێرانهوه، بهڵام نهک به کۆڵی کۆڵبهرانو لهسهر پشتی وڵاغی کاروانچییهکان، بهڵکوو بهڕێی دهروازه ڕهسمییهکان، بهندهرو ئیسکهلهو فڕۆکهخانهکاندا.
کهسیش نیه که نهزانێ بهشی ههره زۆری ئهو قاچاغه لهلایهن ناوهنده ئهمنیهتییهکانو هێزه چهکدارهکانی ڕێژیم وهک سپای پاسدارانو دامودهزگا دهوڵهتییهکانی دیکهوه دهکرێو تهنانهت ئهحمهدینهژاد، سهرکۆماری پێشووی ڕێژیمیش که ماوهیهک لهگهڵ سپای پاسداران تێکگیرابوون، باسی له ههبوونی دهیان ئیسکهلهو دهروازهی مهرزیی ناقانوونی کرد که لهلایهن ” برایانی سپای پاسداران”ی ئهحمهدینهژادهوه بهڕێوه دهبرێن.
بابهتی هێنانو بردنی کاڵا له ناوچه سنوورییهکان به درێژایی ههبوونی ئهو سنوورانه ههبووه، بهڵام ئهوهی ئهو بابهته له دۆخی ئێستادا جیا دهکاتهوه ئهوهیه که ئهگهر له دوو سێ دهیه لهمهوپێش چهند سهد کهسێک له ههموو کوردستان بهو پیشهیهوه سهرقاڵ بوون، ئێستا به دهیان ههزار کهس ڕوویان تێکردوه؛ ئهگهر پێشتر خهڵکێک بۆ سهوداو قازانجی زۆر پێوهی خهریک بوونو مهترسیی گیانییشی لهسهر نهبوو، ئێستا قازانجو دهسکهوتهکهی زۆرتر له ڕۆژانهی کرێکارێک نیهو دهبێ سینگیشی بۆ به گوللهوه نێنو مهترسییهکانی کهوتنهسهرمینو ههڵدێران له شاخو مانهوه له سهرماو کڕیوهو کهوتنهژێر ڕنووشی بۆ لهخۆ بگڕن.
کهواته ئهو پرسیاره له بنیڕا له جێی خۆیدایه که بۆ ئهو خهڵکه بهو حاڵهش دهسبهرداری نابنو وهڵامهکهش شتێک نیه جیا لهوهی که ” ناچارن”.
ئهگهر ئاماره ڕهسمییهکان دهڵێن بێکاری کێشهی سهرهکیی کۆمهڵگای ئێرانهو نیزیک به نیوهی خهڵکی ئێران له ژێر هێڵی ههژاریدا دهژین، ههژاریو بێکاری له کوردستان زۆر زیاتر له ناوچهکانی دیکهی ئێرانهو؛ بههۆی سیاسهتی دواکهوتووڕاگرتنی کوردستانو پشتگوێخستنی ئهو بهشه له ئێرانو کهمیی کارخانهو ناوهندهکانی بهرههمهێن؛ زۆرترین خهڵک به تایبهت له ناوچه سنوورییهکان بێکارن.
بێگومان ئهگهر لهو ناوچانه دهرفهت بۆ کارێکی ئاساییو قانوونی ههبێو؛ گهورهی ماڵ شهرمهزاری دابینکردنی پێداویستییهکانی ماڵو منداڵی نهبێ، کهس نیه له گیانی خۆی بێزار بێو بهزهیی به خۆیو ماڵو منداڵیدا نهیهتهوه؟
ئهگهر ناوهنده ئهمنیهتییهکانو دامو دهزگا دهوڵهتییهکان زۆر پهرۆشی دیاردهی قاچاغ!و ئهو هاتوچۆ ناقانوونییهن، با ههلی کار بۆ خهڵک دابین بکهن بزانن کهس ڕوو له سنوورهکان دهکا؟ کهواته ئهو خهڵکه نهک جێی لۆمهو شایانی کوژران نین، بگره جێی ڕێزو شایانی پاداشو خهڵاتیشن که سهر بۆ نهبوونیو دهرکهوتهکانی نهوی ناکهنو بۆ پارووه نانێک دهپهڕنه سهر پشتی شێر. بهڵام ئهوان کاری ئاسان دهکهن که کوشتنو قهڵتوبڕی کاسبکارانو سڕینهوهی ئهسڵی بابهتهکهیه؛ چونکی ئهوان باوهڕیان به بووژاندنی ئابووریی کوردستانو وشککردنی سهرچاوهی قهیرانهکان نیه، بۆ ئهوهی بیانوویان بۆ لهسهرپێبوونی چهکهکانیانو، زاڵکردنی کهشی ئهمنیهتی بهسهر کوردستانیاندا ههر بهدهستهوه بێ.
سهیره له ناوچهیهکی ئهو وڵاته پانو بهرینو بهپیتوبهرهکهتهدا ههموو پێوهره ئابووری، کۆمهڵایهتیو فهرههنگییهکان له نزمترین ئاستی وڵاتدا بێو؛ ئهو کات سزای مهرگ بۆ بابایهکی کۆڵبهر به ڕهوا ببینرێ که جیا لهو پیشهیه هیچ دهرهتانێکی دیکهی بۆ ژیان نیه.
کۆڵبهران توێژێکی لاوازن، کهس نیه پشتیان بگرێ، کهس به هانایانهوه ناچێ، کاربهدهستانو دامودهزگا حکوومهتییهکانو نوێنهرانی شارهکانیان له مهجلیس نه خهمیان لێ دهخۆنو نه لێیان دهپرسن، پارێزهرانیش که قانوون دهزانن له حاند ههموو ئهو بێقانوونییهی دهرحهق به کۆڵبهرانو کاسبکاران دهکرێ کهمترین دهنگیان لێوه نایه، ڕۆژنامهکانیش بهو هۆیهی ڕێژیم ناوی قاچاغچیی بهسهر کۆڵبهراندا بڕیوه، تهنانهت ههواڵی کوژرانو برینداربوونیان به دهست هێزه چهکدارهکانی دهوڵهتیش بڵاو ناکهنهوه؛ ئهو ڕاستییانه ئهوهندهی جێی داخن، ئهوهندهش دهرفهتی زیاتر به رێژیم دهدهن كه بێبهزەیییانهترو بێترسو دڵهراوكێ درێژه به جینایهته دژی مرۆیییهكانی له كوردستاندا بدا.
ههر بۆیه پێویسته ههر کهسو لایهنێک بهش به حاڵی خۆیو بهپێی دهستڕۆیشتووییو قورسایی خۆی دهنگێک بێ بۆ مهحکوومکردنی کوشتاری کۆڵبهران. پێویسته کۆڵبهران له نێو خۆیاندا یهکگرتوو بنو پشتی یهک بگرن، پێویسته ڕێکخراوه سیاسیو مهدهنییهکان لهسهرههست بنو پێشێلکردنی مافه ئینسانییهکانی ئهوان لهلایهن ڕێژیمهوه لهقاو بدهن؛ پێویسته پارێزهرانی کوردو غهیره کورد بێنه مهیدانو بههێنانهوهی بهڵگهی قانوونی، بێقانوونییهکانی هێزه چهکدارهکانی ڕێژیمو وهبهر دهستڕێژدانی کۆڵبهران مهحکوم بکهنو به وهئهستۆگرتنی خۆبهخشانهی پهروهندهی قوربانیانی ئهو ڕووداوانه تێچووی لهززهتی ئینسانکوژیی هێزهکانی ڕیژیم بۆ ئهوان زیاتر بکهن. نوێنهرانی شار پێویسته له ناوهندهکانی بڕیارو قانوونداناندا دهنگی بهشمهینهتانی خهڵکهکهی خۆیان بنو به ڕاکێشانی سهرمایهو بوودجهو پڕۆژه ئابوورییهکان بۆ ئهو ناوچانه خهڵک لهو پیشه پڕمهترسییانه دوور خهنهوه.
خهڵکی کۆڵبهرو کاسبکار شهریفو زهحمهتکێشن، ئهوان شایانی عیززهتو ئیحترامن، نهک کوژنو ونبوونی خوێنو ژیانیان.
لە ژماره ٦٦٩ ی رۆژنامهی “کوردستان”دا بڵاو بۆتهوه
