دادگای بەرزی “ئهنتاریو” لە كانادا بە دەركردنی حوكمێك بڕیاری داوه كە لە ڕێگەی ماڵو سامانه نادیپڵۆماتیكەكانی ئێران لە بواری ماڵییەوە قەرەبووی بنەماڵەی قوربانیانی پەلامارە تێرۆریستییهكانی حەماسو حیزبوڵڵای لوبنان بكرێتەوە.
بەپێی ڕاپۆرتی هەواڵدەریی فەرانسە بنەماڵەی قوربانیانی ئامریكایی كە لە ڕەوتی٨ پەلاماری تێرۆریستیدا لە نێوان ساڵەكانی ١٩٨٣ تا ٢٠٠٢ كە لە لایەن حەماس و حیزبوڵڵای لوبنانەوە ڕێك خرابوون، بۆ قەرەبووی زیانو خەسارەتەكانیان دەتوانن كەلك لە حیسابە بانكییەكانی دەوڵەتی ئێران لە كانادا وەربگرن.
ڕاگەیەنەكانی كانادا، بڕی ئەم سامانه نادیپڵۆماتیكانەی دەوڵەتی ئێران لەم وڵاتەیان تا ئاستی ١٣ میلیۆن دۆلار هەڵسەنگاندووە.
ئەم دادگایەی كانادا لە حاڵێكدا ئەو بڕیارەی بەدژی كۆماری ئیسلامی داوە كە دەوڵەتی لیبراڵی جاستین ترۆدۆ، كە پێشتر پێخۆشبوونی خۆی بۆ دەست پێكردنەوەی پێوەندییەكانی لەگەڵ ئێران ڕاگەیاندبوو، هەوڵەكانی خۆشی بۆ ئازادكرانی هوما هوودفەر، مامۆستای ئێرانی ـ كانادایی زانكۆی “انتاریو” خستۆتە گەڕ.