ڕۆژنامەی ئامریكایی واشینگتۆن تایمز، لە ڕاپۆرتێكداو لە زمان ئیدارەی بەربەرەكانی لەگەڵ ماددە هۆشبەرەكانی ئەم وڵاتە ئاشكرای كرد كە، حیزبوڵڵای لوبنان كە بە پشتیوانیی ئێران لە ئێستادا لە سووریە بەدژی دژبەرانی ئەسەد لە بەرەی شەڕ دایە، ساڵانێكی زۆرە لە ڕێگەی قاچاغی مادە هۆشبەرەكانەوە سەرچاوە ماڵییەكانی خۆی دابین دەكا.
بەپێی ڕاپۆرتی ئەم ڕۆژنامەیە حیزبوڵڵا بە هاوكاریی نزیك لەگەڵ گەورەترین باندەكانی قاچاغ لە ئامریكای لاتین، لە ڕێگەی قاچاغەوەو بە شێوەیەكی بەربڵاو، جۆرەكانی مادەی هۆشبەر بۆ زۆربەی ناوچەكانی جیهان بەڕێ دەكا.
بەپێی ئەم ڕاپۆرتە، حیزبوڵڵا هەروەها دەستی لە قاچاغی مرۆڤو گواستنەوەی ناقانوونیی كۆچبەران لە خۆرهەڵاتی نێوەڕاستو ئاسیای باشوورەوە بۆ ناوچەكانی نزیك ویلایهته یەكگرتووەكانیشدا هەبووە.
شایانی باسە ئامریكا پێشتریش بەهۆی چالاكییە تێرۆریستییەكان و قاچاغی مادەی هۆشبەر، ناوی حیزبوڵڵای لوبنانی لە لیستی گەمارۆ نێودەوڵەتییەكاندا تۆمار كردبوو.
