بوونی ٥١ پڕۆژەی نیوەچڵی بەرهەمهێنانی فەڕش لە پارێزگای ورمێ

كاربەدەستانی دەوڵەتی دەڵێن گەمارۆ جیهانییه‌كان زیانێكی گەورەیان لە هەناردەی فەڕشی ئێران داوە.
قوربانعەلی سەعادەت، پارێزگاری ورمێ‌ش ده‌ڵێ هەناردەی فەڕشی ئەم پارێزگایە لە ماوەی چەند ساڵی پێشوودا وەستاوەو گەمارۆكانیش زیانێكی قورسی لە هەناردەی فەڕشی ئێران داوه‌.
ناوبراو هەروەها گوتی پاش هەڵوەشاندنەوەی گەمارۆكانی دژی ئێران فەڕشی “ورده‌ ماسی”ی شارەكانی خۆی و هەوشاری تیكاب لە بازاڕەكانی جیهان كڕیاریان نەمابوو.
پارێزگاری ورمێ پێشوازیی لە پێدانی پڕۆژه‌ نیوەچڵەكانی بەرهەمهێنانی فەڕش به‌ كەرتی تایبەت كردوه‌و ده‌ڵێ: ٥١ پڕۆژەی نیوەچڵی بەرهەمهێنانی فەڕش لە پارێزگای ورمێ دەستنیشان كراون تا ئه‌گه‌ر خوازیاری هه‌بێ به‌ كەرتی تایبەت بدرێن.
جێی بیرهێنانه‌وه‌یه‌ که‌ سەرۆكی ڕێكخراوی پیشەسازی، سامانەكان‌و بازرگانیی ورمێ پێشتر گوتبووی که‌ ٢ هەزارو ٩٤٤ کارگه‌و یه‌که‌ی به‌رهه‌مهێنان لە ئاستی پارێزگای ورمێ‌دا هەن که‌ نیزیک به‌ نیوه‌یان داخراون.
بەپێی قسەكانی جەعفەر سادق ئەسكەندەری لە 2 هەزارو ٩٨٤ کارگه‌و یه‌که‌ی به‌رهه‌مهێنان لە ئاستی پارێزگای ورمێدا هەزارو ٦٨٠ یەكەیان چالاك‌و نیوەی چالاكن، ٣٦٣ یەكەو کارگه‌ کۆیان کردۆته‌وه‌و ٩٠١ کارگاو یه‌که‌ی دیكەی ئەم پارێزگایە له‌کار که‌وتوون‌و هیچ چالاكییەكیان نییە.