سکرتێری گشتیی حیزبی دێموکڕاتی کوردستان له سهر بانگهێشتی سهرکونسولگهریی ئهمریکا له ههولێر بهشداری یادی ٢٤٠ ساڵهی سهربهخۆیی وڵاته یهکگرتووهکانی ئهمریکا بوو.
لهو بۆنهیهدا که رۆژی پێنج شەممە، ١٣ی جۆزهردان بهبهشداریی مەسعوود بارزانی، سەرۆكی هەرێمی كوردستانو نوێنهرانی کۆمهڵێک حیزبو لایهنی سیاسیو یهک لهوان کاک خالید عهزیزی، سکرتێری گشتیی حیزبی دێموکڕاتی کوردستان لە هۆتێل ڕۆتانای شاری هەولێر بهڕێوهچوو، ماتیوس میتمان، سهركونسوڵی ئەمریكا لە هەولێر وتەی بەخێرهێنانی میوانهکانی پێشكەش كرد.
لەو مەراسیمەدا كە لەلایەن كونسوڵخانەی ئەمەریكا لە هەولێر ساز درا بوو، ژمارەیەكی زۆری بەرپرسە سیاسی و ئەمنی و ئیدارییەكانی هەرێمی كوردستان و هەروەها نوێنەری وڵاتانی بیانی و ڕاگەیاندنەكان و ڕێكخراوەكانی كۆمەڵگەی مەدەنی ئامادە بوون.
لهو ڕێورهسمهدا ستوورر جۆنز، باڵیۆزی ئەمریكا لە عێراق باسێکی له مێژووی ئەمریكاو سەربەخۆیی ئەو وڵاتەو قۆناغو هۆكارەكانی پێشكەوتنی ئەمریكا كردو وتاری حكومەتی هەرێمی كوردستان بهو بۆنهیه لەلایەن فەلاح مستەفا، بهرپرسی ئیدارهی پەیوەندییە بیانییهكانی حكومەتی هەرێم خوێندرایەوە.
له بڕگهکانی دیکهی ئهو یادهدا کاک خالید پیروزبایی خۆیو حیزبی دێموکراتی کوردستان بهو بۆنهیهی بە “ستووەر جونز، باڵوێزی ئەمریکا لە عیراقو ماتیاس میتمان، سەرکونسوڵی ئەمریکا لە هەرێمی کوردستان ڕاگهیاند.
له پهراوێزی میوانداریو بۆنهکهشدا سکرتێری گشتیی حیزب چاوی به کۆمەڵیک دیپلۆماتو کەسایهتییە سیاسیو ئیدارییهکانی حکومهتی ههرێمی کوردستانو وڵاتانی بیانی کەوت.
