پێشمەرگەكانی هەرێمی كوردستان عەمەلیاتی وەرگرتنەوەی شاری موسڵ لە دەست داعشیان دەست پێكرد.
وهزارهتی پێشمەرگەی هەرێمی كوردستان لە بەیاننامەیەكدا بڵاویان كردەوە كە هێزی وشكایی بە پێشهنگو فهرماندهیی پێشمەرگەو پشتیوانیی فڕۆكەشەڕكەرەكانی بەرەی هاوپهیمان دهستیان به عەمەلیاتی ئازادكرنەوەی شاری موسڵ له دهست داعش کردوه.
سەرهەنگ ئیستیو وارێن، وتەبێژی هێزەكانی بەرە لە بەغداش به هەواڵدەریی ڕۆیتێرزی ڕاگەیاند كە ئامریكاو هاوپەیمانان لەم عەمەلیاتەدا یارمەتیی هێزی پێشمەرگەی كوردستان دەدەن.
لەم عەمەلیاتەدا نزیك بە ٥ هەزارو ٥٠٠ پێشمەرگە بەشدارن. لە لایەكی دیكەوە عەمەلیاتێكی وەك ئەمەش لە لایەن هێزەكانی عێراق بۆ وەرگرتنەوەی شاری فەلوجە بەردەوامە.
موسڵ و فەلوجە دوو شاری گرینگی عێراقن كە گرووپی خەلافەتی ئیسلامی ناسراو بە داعش دەستیان بەسەرداگرتووە.
