ئەندامان و دڵسۆزانی حیزبی دێموکرات بەبۆنەی یەکگرتنەوەی دوولایەنی دێموکرات، لە سەقز و بانە چالاکیی تەبلیغییان بەڕێوە برد و یەکگرتنەوەی دێموکراتەکانیان پیرۆز نرخاند.
ئەندامانی تیکۆشەری حیزبی دێموکرات لە گوندی ”یازیبڵاخی” لە سەقز لە چالاکییەکی تەبلیغیدا پارچەیە نووسراوەیەکی گەورەیان لە دیواری موخابەراتی ئەو گوندە هەڵواسیوە و پێگەی بەرز و شوێندانەریی حیزبی دێموکراتیان لە ڕاستای وەدیهێنانی ئامانجەکانی گەلی کورد نیشان داوە.
هەروەها ئەندامان و لایەنگرانی حیزب لە ناوچەی بانە لە کێوی ”بڵۆ” بە هەڵکردنی ئاڵای کوردستان و وێنەی شەهید دوکتور ”قاسملوو” چالاکیی تەبلیغییان بەڕێوە برد و یەکگرتنەوەی حیزبی دێموکراتیان پیرۆزبایی کرد.
