سەرپەرستی دادگای كەیفەریی ١ی پارێزگای تاران دەڵێ پاش ماوەیەكی زۆر هێشتا هیچ ناوەندێك وڵامی پرسیارەكانی دادگای لە بارەی پەروەندەی مەحموود ئەحمەدینژاد سەركۆماری پێشووی ئێرانی نەداوەتەوە.
مۆحسێن ئیفتخاری گوتی: ماوەیەكی زۆرە کۆمهڵێک پرسیارو بهدواداچوونمان لهسهر پهروهندهی ئهحمهدینژاد لە ناوەندو دام و دەزگا جۆراوجۆرەكان كردوە، بەڵام ئێستاشی لەگەڵ بێ تاقە یهک ناوەندێكیش وڵامی ئیستعلامهکانی ئێمهی نەداوەتەوە. ئیفتخاری ڕۆژی سێشەممە ٢٤ی خاكەلێوەش ڕایگەیاندبوو كە پەروەندەی مهحموود ئەحمەدینژاد گەیشتۆتە قۆناغی “پرسیار كردن لە ناوەندە جیاجیاكان” و هۆكاری درێژبوونهوهی ڕەوتی پێڕاگەیشتن بەم پەروەندەیەش هەر ئەم پرسیارانەن كە تا ئێستا بێ وڵام ماونەتەوە.
ڕۆژنامەی “شرق” پێشتر باسی لە ٣٢ پەروەندەی شكایەت لە مەحموود ئەحمەدینژاد لە لای دەزگای قەزایی وەك پەروەندەی شكایەتەكانی مەجلیس كردبوو.
كاربەدەستانی دەزگای قەزایی لە حاڵێكدا مەحموود ئەحمەدینژاد بە تۆمهتبار دەزانن كە ئەو ئێستاش وەك سەركۆماری پێشووی ئێران بانگهێشتی كۆبوونەوە ڕەسمییەكان دەكرێو لە نوێترین حاڵەتدا، ڕۆژی سێشەممە ٤ی جۆزەردان ئەحمەدینژاد لە كۆبوونەوەی مەجلیسی خوبرەگانی ڕێبەریدا بەشداری كردو ڕاست لە تەنیشت غوڵامحوسێن مۆحسێنیی ئێژەیی، وتەبێژو جێگری یەكەمی دەزگای قەزایی دانیشتبوو، كە ئەم ڕوودواە لە تۆڕە كۆمەڵایەتییەكان دەنگدانەوەو هەڵڵایەكی زۆری نایەوە.
