دایە سەڵتەنە وەلیدی پوور، دایکی شەهید خالید رەسووڵی، خەڵکی گوندی ئاڵەوڵاخ لە ناوچەی ساراڵی دیواندەرە ماڵاوەایی لە ژیان کرد.
بە پێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان،رۆژی هەینی٢٨ی گەلاوێژی ١٤٠١ی هەتاوی، دایە سەڵتەنە وەلیدی دایکی شەهید خالید رەسووڵی خەڵکی گوندی “ئاڵەوڵاخ” لە ناوچەی ساراڵی دیواندەرە کۆچی دوایی کرد.
خالید رەسووڵیساڵی ١٣٥٩ی هەتاوی دەبێتە پێشمەرگەی حیزبی دێموکرات و لە ساڵی ١٣٦٣ لە تێکەڵچوونێک لە گەڵ هێزەکانی رژیم لە ئاوایی خاکیوە و زەکیوە لە ناوچەی دیواندەرە لە گەڵ دوو هاوڕێی دیکەی بە ناوەکانی ئیسماعیل خەیری و فەتحوڵا خەیری شەهید بوون و چوونە ریزی کاروانی شەهیدانی کورد و کوردستانەوە.
دایە سەڵتەنە لەو دایکە دڵسۆزانەی کوردستان بوو کە تا دوا هەناسە وەفادار بە رێبازی کوڕەشەهیدەکەی و هەموو شەهیدانی کوردستان بوو بەڵام بەداخەوە مەرگ مەودای نەدا وەدی هاتنی ئاواتی شەهیدان بەچاو ببینێ.
ناوەندی راگەیاندنی حیزبی دێموکرات بەو بۆنەوە سەرەخۆشی لە خزم و کەسوکاری دایە سەڵتەنە و هەموو خەڵکی ناوچەی ساراڵ دەکا و خۆی بەشەریکە خەمیان دەزانێ.
