پاش تێپەڕینی یەک مانگ هاوڵاتییەکی خەڵکی گوندی تەنگیسەری سەر بە شاری سنە تا ئێستا لە گرتنگەی ئیتلاعاتی ڕێژیم‌دایە و چارەنووسی نادیارە.
سەرەڕای تێپەڕینی مانگێک بە سەر دەسبەسەرکرانی هاوڵاتییەک بە ناوی “سوبحان مەولوودی” تەمەن ٣٢ ساڵ، کوڕی ئەحمەد، خەڵکی گوندی “تەنگیسەر” سەر بە شاری سنە، لە گرتنگەی ئیدارەی ئیتلاعاتی مەریوان لە حاڵی لێپرسینەوەدایە و لە چارەنووسی ناوبراو هیچ زانیارییەک لە بەر دەستدا، نییە.
“سوبحان مەولوودی” ڕۆژی چوارشەممە ٢٩ی پووشپەڕ، پاش گەڕانەوە لە هەرێمی کوردستان لە سنووری باشماخی مەریوان لەلایەن هێزە ئیتلاعاتییەکانی ڕێژیمەوە دەسبەسەر کرابوو، هەتا ئێستا لە هۆکاری دەسبەسەرکردن و تۆمەتی وەپاڵدراو دژی ئەو هاوڵاتییە، هیچ زانیارییەک بەدەست نەهاتووە.
