هێزە كوردییەكانی سووریە هێرشێکی بەربڵاویان بۆ گرتنەوەی شاری ڕەقە دەست پێكرد.
هێزە كوردییەكانی سووریە بەشێك لە بەرەی سووریە بە ناوی “هێزەكانی سووریەی دێموكراتی” پێکدێنن، ئەم گرووپە لەلایهن ئامریكاوه پشتیوانیی دهکرێنو ماوەی چەند ڕۆژ لەوەپێش بە هەزاران كەسیان خۆیان بۆ هێرشی بەربڵاو بۆ سەر شاری ڕەقە ئامادە كردوە.
شەڕو پێكدادانی ڕۆژی سێشەممەی نێوان ئهو هێزهو داعش لە ٥٠ كیلۆمیتریی شاری ڕەقە بووه.
شاری ڕەقە لە نزیك ڕووباری فوراتو ڕۆژهەڵاتی شاری حەلەب هەڵكەوتووەو، داعش ئەم شارە بە پێتەختی خەڵافەتی خۆیان دەزانن. شارە جیاجیاكانی ژێر كۆنتڕۆڵی داعش چەند جار لە نێوان ئەم گرووپەو دەوڵەتی سووریە یان عێراق دەستاودەست كراوە، بەڵام داعش نزیك بە دوو ساڵو نیوە ئەم شارەی لە ژێر كۆنتڕۆڵی خۆی ناوەو بۆ یەك جاریش چۆڵی نەكردوە.
شایانی باسە كە پێشڕەویی هێزە كوردییەكان لە ناوچەی ژێر دەسەڵاتی داعش ناڕەزایەتیی هێندێك لە وڵاتانی دراوسێی وەك توركیەی لێ كەوتۆتەوە، ئەوان لەوە نیگەرانن كە پێگهی كورد لە ناوچەکهدا بەهێزتر بێ.
