زیاتر لە ٣ هزارو ٥٠٠ كەس بە ئیمزا كردنی نامەیەك که بۆ كۆمیسیۆنی ئەسڵی ٩٠ی مەجلیسی شوورای ئیسلامییان ناردوه، سهبارهت به بە ئەمنیەتیكرانی چالاكییە سینفیو كۆمەڵایەتییەكان ناڕەزایەتییان دەربڕیوه.
لەم نامەیەدا هاتوە كە ئێمە كرێكارانو سەرجەم مووچەخۆرانی كۆمەڵگا لە سەرەتاییترین مافەكانی ژیانو مافە كۆمەڵایەتییەكانی خۆمان بێبەشینو ساڵانێكە داوای ئاڵوگۆڕو باشتر بوونی بارودۆخی دڵتەزێنو نامرۆڤانەی ژیانو گوزەرانی خۆمان دەكەین، بەڵام هەركات دەنگی ناڕەزایەتیی ئێمە بەرز بێتەوە، ڕاپێچی ناوەندە ئینتزامیو ئەمنیەتییەكان دەكرێینو، پەروەندەی ئەمنیەتیی بەدژی ئێمە پێك دێننو لە لایهن دهزگای قهزاییهوه بە تۆمەتی جۆراوجۆری ئەمنیەتیی وەك “هەوڵدان بەدژی ئەمنیەتی میللی”، “پڕوپاگەندە بەدژی نیزام”، “شێواندنی نەزمی کۆمهڵگا” دادگاییمان دەكەنو حوكمی زیندانو سزای ماڵیی قورسمان بەسەردا دەسەپێنن.
لە كۆتایی ئەم نامەیەدا هاتووە كە ئێمە وێڕای پێداگری كردن لە سەر پێویستیی سڕینەوەی تۆمەتە ئەمنیەتییەكان لە سەر پەروەندەی چالاكانی سینفیو كۆمەلایەتی، داوای ئازاد كرانی بێ ئەملاولای چالاكانی مەدەنیو كرێكاریی بەند كراو دهکهین.