چوار لاوی خەڵكی شاری كامیاران كە بەیانیی ڕۆژی پێنجشهممه، ٣٠ بانەمەڕ دەستبەسەرو بۆ شوێنێكی ناڕوون گواسترابوونەوە، ئێستا لە زیندانی ئیدارەی ئیتلاعاتی سنەدا بەند كراون.
بەپێی ڕاپۆرتی كۆمەڵەی چالاكانی مافەكانی مرۆڤ، ئارام محەممەدی، شاهۆ سادقی، مێهرداد سەبووریو ئومید ئەحمەدی كە بەبێ هیچ حوكمێکی دادگاو ڕوونكردنەوەیەك لە لایەن مەئموورانی ئیدارەی ئیتلاعاتەوە لە ماڵەكانی خۆیان دەستبەسەر کرابوونو دهست بهسهر مۆبایلو کامپیوتێرهکانیان داگیرابوو، له ئێستادا ڕاپێچی زیندانی ئیتلاعاتی سنە كراون.
ئەم زانیارییانە پاش پێوەندیی تەلەفوونیی یەكێك لەم دەستبەسەر كراوانە لەگەڵ بنەماڵەكەی، دەست كەوتووە.
شایانی باسە پاش گیرانی ئەم ٤ چالاكە كوردە، ڕۆژی شەممەش شۆعلە گودەرزیو ڕۆژین ئیبراهیمی هەر بەم تۆمەتە بانگ كرانه ئیدارهی ئیتلاعاتو پاش لێكۆڵینەوە ئازاد كراون. لێكۆڵینەوە لەم دوو كەسە لە ماوەی دوو ڕۆژی ڕابردوودا هەروا بەردەوام بووە.
