فهرماندهی هێزە وشكانیەكانی ئەرتەشی ئێران لە مانۆڕی بەیتولموقەدەس ٢٨ كە لە كەویری “مهرنجاب” لە ناوەندی ئێران بەڕێوەچوو، گوتی چالاكییە هێرشبهریو بەرگریكارانەكانی ئەرتەش هەر لە چوارچێوەی سنوورەكانی ئەم وڵاتەدا نییە.
ئەحمەدڕەزا پووردەستان بۆ نموونە ئاماژەی بە بهشداریی هێزە تایبەتەكانی ئەرتەش لە سووریەو هاوكاری كردنی هێزی قودسی سپای پاسداران لە “عەمەلیاتی ڕاوێژكارانە” لە سووریهو عێڕاقدا كردوە.
ئەرتەشی ئێران لە نێوەڕاستی مانگی خاكەلێوەی ئەمساڵدا ڕایگەیاند كە هێزه کۆماندۆکانی هێزی وشكانیی ئەرتەش لە تیپی ٦٥ی هێزەكانی تایبەتی “هوابرد” وەك ڕاوێژكاری نیزامی بەڕێی سووریە كراون. چەند ڕۆژ دواتر، هەواڵی كوژرانی چەند كۆماندۆی ئەرتەشی ئێران لە سووریە بڵاو كرایەوە.
پووردەستان لە قسەكانی ڕۆژی یەكشەممەی خۆیدا عەرەبستانو قەتەری بە پشتیوانی كردن لە گرووپە تێرۆریستییەكان لە ناوچە تۆمەتبار كردوەو ئامریكاو ئیسرایلیشی بە دوژمنە سەرەكییەكانی ئێران ناو بردوه.
ناوبراو هیوای خواستوە ڕۆژێكی وا دابێ كە خامنەیی فرمانی هێرش بۆ سەر ئیسرایل بە ئەرتەش بدا.
