لە كاتی دەستبەسەركرانی شۆڕش تەهماسەبی لە سنە، تائێستاشی لەگەڵ بێ هیچ زانیارییەكی ورد لە بابەت بارودۆخی ناوبراو لە بەر دەستدا نییە.
بەپێی ڕاپۆرتی ماف نیووز، پاش ئەوەی ڕۆژی چوارشەممە ٢٩ی بانەمەڕ، شۆڕش تەهماسەبی، چالاكی مەدەنیی خەڵكی شاری سنە دەستبەسەر كرا، تا ئێستاش هیچ زانیارییەكی ورد لە بابەت شوێنی ڕاگیرانو بارودۆخی ناوبراو نەزانراوە.
سەرچاوەیەكی نیزك لە بنەماڵەی تەهەماسەبی وێڕای پشتڕاستكردنەوەی ئەم هەواڵە ڕایگەیاندوە، سەرەڕای بهدواداچوونی بەردەوامی بنەماڵەی شۆڕش بۆ ناوەندە ئەمنیەتیو قەزاییەكان، بەڵام ههوڵهکانی ئەم بنەماڵەیە هیچ ئاكامێكی نهبوهو تهنانهت ناوەندە پێوەندیدارەكان حاشایان لهوه کردوه كە ئاگاداری دەستبەسەركرانی كوڕەكەیان بن.
شۆڕش تەهماسەبی 35 ساڵی تهمهنهو لە چالاكانی مەدەنیو ناسراوی شاری سنەیە. ناوبراو جگە لە ئەندامەتی لە ئەنجومەنی ژنانی ئازەرمێهری كوردستان كە ڕێكخراوێكە له بواری داکۆکی لە مافەكانی ژناندا هەوڵ دەدا، ماوەیەكی زۆریشە هاوکاری ئەنجومەنی شاهۆ بووه که له بواری لاواندا کار دهکا.
ئەم چالاكە مەدەنییە پێشتریش جارێك لە ڕێكەوتی ١١ی جۆزەردانی ساڵی ١٣٨٧ و جارێكی دیكەش لە ساڵی ١٣٩٠ لە لایەن ناوەندە ئەمنیەتییەكانەوە بانگ كراوەو لەگەڵ گیران و لێپێچینەوە بەرەوڕوو بۆتەوە.