بەرپرسی پێوەندییەکانی شۆرای ئاسایشی نەتەوەیی کۆشکی سپیی ئەمریکا وتی: جەو بایدن بە هەموو شێوەیەک دژی ئەوەیە کە سپای پاسداران لە لیستی گرووپە تێرۆریستییەکان بسڕدرێتەوە.
ڕۆژی چوارشەممە ١٢ی گەلاوێژی ١٤٠١ی هەتاوی، جان کێربی، بەرپرسی پێوەندییەکانی شۆرای ئاسایشی نەتەوەیی کۆشکی سپی، لە کۆنفرانسێکی ڕۆژنامەوانی‌دا وتی: سپای پاسداران گەورەترین پشتییوانیی گرووپە تێرۆریستییەکانە لە جیهان و ناوەندی پەروەردەکردنی تێرۆریستە لە ناوچە جیاوازەکان‌دا، بۆیە جەو بایدن، سەرۆک‌کۆماری ئەمریکا، ڕایگەیاندووە کە سپای پاسداران بە هیچ شێوەیەک لە لیستی گرووپە تێرۆریستییەکانی ئەمریکادا ناسڕدرێتەوە و دەبێ بۆ هەمیشە وەکوو رێکخراوێکی تێرۆریستی بمێنێتەوە.
