سێ هاوڵاتیی بەلووچ لە زاهێدان بە تەقەی ڕاستەوخۆی هێزە چەکدارەکانی ڕێژیم کوژران و بریندار بوون.
بەپێی راپۆرتی کەمپەینی چالاکانی بەلووچ، شەوی پێنجشەممە ٦ی گەلاوێژی ١٤٠١ی هەتاوی، لە ئاکامی تەقەی هێزە چەکدارەکانی رێژیم لە ڕێگای خاش بۆ زاهدان یەک هاوڵاتیی بەلووچ بەناوی “ئیسماعیل شاهۆزێهی” کوژرا و دوو هاووڵاتی دیکەش بە ناوەکانی “ئەحمەد شاهۆزێهی و وەحید شاهۆزێهی” بریندار بوون.
هه‌روه‌ها هێزه‌کانی ئیتلاعاتی ڕێژیم پاش بریندار کردنی ئه‌و دوو هاوڵاتیی به‌لووچه ده‌سبه‌سه‌ریان کردوون و بۆ شوێنێکی نادیاریان گواستوونەوە.
