گیان لەدەستدانی کاسبکارێکی کامیارانی لە لایەن هێزە بەکرێگیراوەکانی ڕژێمەوە لە ئەهواز

کاسبکارێکی خەڵکی شاری کامیاران بە تەقەی ڕاستەوخۆی هێزە سەرکوتکەرەکانی ڕێژیم لە شاری ئەهواز گیانی لەدەست دا.

ڕۆژی سێشەممە ٤ی گەلاوێژی ١٤٠١ی هەتاوی هێزە چەکدارەکانی ڕێژیم لە ئەهواز تەقەیان لە ئۆتۆمبێلی کاسبکارێکی خەڵکی شاری کامیاران کردووە و لە ئەنجامدا شۆفێری ئۆتۆمبێلەکە بە ناوی سینا مزەفەری گیانی لەدەست داوە.
سینا مزەفەری تەمەن ٢١ ساڵ و خەڵکی کامیارانە و تەرمەکەی ئێستا لە پزشکی دادی ڕێژیم لە شاری ئەهوازە و بنەماڵەکەی خەریکی جێبەجێکردنی کارەکانی گواستنەوەی تەرمی سینان بۆ کامیاران.