لە دەوڵەتی حەسەن ڕۆحانی١٥ هەزار یەكەی پیشەسازی و بەرهەمهێنان داخران و زیاتر لە میلیۆنێك كرێكار بێكاربوون.
محەممەد سلێمانی، ئەندامی مەجلیس، دانی بە قەیرانی ئابووریی و سیاسەتی ئابووریی دەوڵەتی حەسەن ڕۆحانی داناو گوتی، لە دەوڵەتی حەسەن ڕۆحانی زیاتر لە ١٥ هەزار یەكەی پیشەسازی و وەبەرهێنان بە تەواوی داخراونو ئەوانەی دیكەش كە ئێستا چالاكییان هەیە سەدی ٥٠ی وەستاوەو نیوەی كرێكارەكانیان دەركردوون.
ناوبراو ڕۆژ سێشەممە ٢٨ی بانەمەڕ بە هەواڵدەریی فارس، سەربە سپای پاسدارانی ڕاگەیاند كە لە ماوەی 3 ساڵی سەرەتای دەوڵەتی ئێستا یەك میلیۆن كەس بە بێكارانی ئێرانەوە زیاتر بووە، كاروكاسبی و بارودۆخ قەیراناوییە هەر وەك پێشتر وەزیری كار ڕایگەیاندبوو كە لە هەر ٥ خولەك بێكارێك بە بێكارانی ئێرانەوە زیاد دەبێ.
ئەم نوێنەری مەجلیس هەروەها دانی بە وەرشكستیی كەرتی بیناسازیش داناو گوتی لە هەلومەرجی ئێستادا كەرتی نیشتەجێبوون بە شێوەیەكی زۆر قورس تێك تەپیوە و هێندێك لە بەردبڕەكان و كانگاكان تووشی قەیران هاتوون بەڵام بەم حاڵەش ماڵیاتیان لێ وەردەگیردرێ و ئەم كەرتە ناچارە بۆ قەرەبووكردنەوەی دابەزینی داهات و بەرزبوونەوەی فشارەكانی دەوڵەت پێداچوونەوە بە هێزی كاردا بكاو بهردهوام له ژمارهی كرێكارهکانی کهم کاتهوه.
