پاش هەڵوەشانەوەی كۆنسێرتی كەیهان كەلهوڕ لە نەیشابوور، ئەم جارەیان كۆنسێرتی شەهرامو حافز نازریش هەر لەم شارە هەڵوەشایەوە. دوو حەوتوو لەمەوبەریش لە شاندیزی مەشهەدو چەند شاری دیكە، ئیزنیان بە بەڕێوەبردنی كۆنسێرتی “ناگفتە”ی نازرییەكان نەدابوو.
ئەوە دووهەمین جارە كە ڕێگری لە بەڕێوەچوونی كۆنسێرتی “ناگفتە”ی شەهرامو حافز نازری دەكرێ.
هەڵوەشانەوەی كۆنسێرتی “نازری”یەكان لە حاڵێك دایە كە قۆناغەكانی وەرگرتنی مۆڵەتی بەڕێوەچوونی ئەم كۆنسێرتەیان بڕیوەو سەرەڕای ئەوەی هەر وەك جاری پێشوو ڕێگری لە ئامادە بوونی ژەنیارە ژنەكانیش كرابوو، بەم حاڵەش هەردوو جارەکە نازرییەكان بۆ بەڕێوەبردنی ئەم كۆنسێرتە تووشی گرفت هاتوونو لێیان تێکدرا.
عەلی سائیب نیا، سەرۆكی هەیئەتی بەڕێوەبەرایەتیی شوڕای شاری نەیشابوور لە لێدوانێكدا بۆ ڕۆژنامەی “شرق” ڕایگەیاندوە كە لە كۆبوونەوەی شوواری فەرهەنگیدا، جەلایری فەرمانداری نەیشابوور لە بابەت بەڕێوەبردنی ئەم كۆنسێرتەوە گوتبووی هیچ پێویست ناكا دەنگی بۆ كۆ بكەنەوەو شوورای دابینكردن گوتوویەتی مووسیقی قەدەغەیە.
حەوتووی ڕابردووش یەكەمین كۆنسێرت لە كۆمەڵە كۆنسێرتەكانی تووری كەیهان كەلهوڕیان لە دوایین ساتەكاندا، تەنیا لە ڕێگەی كورتە پێوەندییەكی تەلەفوونی هەڵوەشاندەوە
شایانی باسە كە لە ماوەی چەند ساڵی ڕابردوودا بە بەردەوامی لە شارە جۆراوجۆرەكانی ئێران ڕێگری لە بەڕێوەچوونی كۆنسێرتەكانی مووسیقی كراوە.
