هێرشی حەوتووی ڕابردووی میلیشیاکانی بەرەی جەیشولفەتح، پێكهاتوو لە گرووپی نوسرە و هاوپەیمانهکانی بۆسەر شارۆچكەی خان تومان لە نزیك شاری حەلەب، یەكێك له گەورەترین شكستەكانی هێزەكانی ئێرانو شیعەكانی هاوپەیمانی لە بەرگریی لە ڕێژیمی بەشار ئەسەد بوو.
بەپێی سەرچاوەكانی هەواڵ لەو شەڕو پێكدادانانەدا ژمارهی كوژراوهکانی ئێرانو هاوپەیمانەكانی زیاتر لە ٨٠ كەس مەزندە كراوە.
بەپێی سەرچاوە ڕەسمییەكان لانیكەم ١٧ كەس لە هێزەكانی ئێران لەم شەڕەدا كوژراونو ئەمە به گەورەترین زیان بۆ کۆماری ئیسلامی دادهنرێ.
پاش شەڕو پێكدادانی خان تومان، ئێرانو هاوپەیمانەكانی زیانێكی گەورەی دیكەشیان لێكەوتووە مستەفا بەدرەدین فەرماندەی نیزامیی حیزبۆڵلای لوبنان لە سووریە كوژرا.
هێشتا ڕوون نەبۆتەوە كە ئەم ڕووداوە، چ كاریگەرییەكی لەسەر ئەم شەڕە دەبێ كە لە ساڵی ٢٠٠١وە دەستی پێكردوە و ئێران و ڕووسیەش بە هانای ئەسەدەوە هاتوون تا دەسەڵاتەكەی لێنەستێندرێتەوە.
دیپلۆماتو كارناسانی ئەم بوارە لەسەر ئەم بڕوایەن كە ئەگەر پشتیوانیی هاوپەیمانان نەبوایە تا ئێستا ئەم وڵاتە ڕووخابوو و بۆ مانەوەی حكومەتی بەشار ئەسەد لە سووریە ئهوه ئێرانو حیزبۆڵڵای لوبنانن که دهبێ نرخی بۆ بدەن.
