بەڕیوەچوونی چالاکیی تەبلیغی بەبۆنەی ساڵڕۆژی شەهیدبوونی د.قاسملوو لە سەقز

ئەندامانی حیزبی دێموکراتی کوردستان، لە شاری سەقز بە بۆنەی ٢٢ی پووشپەڕ ساڵڕۆژی شەهیدبوونی د. قاسملوو، چالاکی تەبلیغی‌یان بەڕێوەبرد و بەڵێنیان نوێ کردەوە.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ڕۆژی هەینی ١٧ی پووشپەڕی ١٤٠١ی هەتاوی، ئەویندارانی ڕێبازی دێموکرات لە شاری سەقز بە بۆنەی ٢٢ی پووشپەڕ ساڵڕۆژی تێرۆر کردنی د. قاسملوو بە بڵاوکردنەوەی درووشمی تایبەت بەو ڕۆژە بەڵێنیان لەگەڵ ڕێبازی پیرۆزی حیزبی دێموکرات و ڕێگای شەهید د.قاسملوو نوێ کردەوە.
ئەو شوێنانەی کە لە شاری سەقز چالاکی تەلبیغیی بەبۆنەی ٢٢ی پووشەپەڕەوە لێ کراوە بریتین لە گەڕەکەکانی؛ قەرەچیاوا، بلواری دانشجوو، شارەکی زانکۆ، ماڵە کوڵا و پردی کەوە‌ سوار، درێژەدەرانی ڕێبازی شەهید د.قاسملوو لە بەرەبەری ساڵڕۆژی شەهیدبوونی‌دا هەموو سالێک بە درووشمی تایبەت بەڵێن و پەیمان لەگەڵ ڕێبازی پیرۆزی د.قاسملوو نوێ دەکەنەوە و بەڵێن دەدەن کە ڕێگا و ڕێبازی شەهیدانی کوردستان هەر بەردەوام دەبێ.