ئەرتەشی توركیە ڕۆژی شەممە ڕایگەیاند كە فڕۆكە شەڕكەرەكانی وڵاتەكەی لە ٩ هێرشی چڕی ئاسمانی‌دا بنكەو بارەگاكانی حیزبی كرێكارانی كوردستانیان لە توركیەو هەرێمی كوردستان بۆردومان كردوە.
بەپێی ڕاگەیەنەكانی دەوڵەتی توركیە لەم هێرشە ئاسمانییەدا كە ئەرتەشی ئەم وڵاتە بە گەورەترین هێرشی ئەم چەند ساڵەی ناو بردوه، ٩٨ بنکه‌ی حیزبی كرێكارانی كوردستانی لە هەرێمی كوردستان‌و توركیە هێرشیان کراوه‌ته سه‌ر. زۆربەی ئەم هێرشانەش لە هەرێمی كوردستان‌و بە فڕۆكەكانی ئێف ١٦و ئێف ٤ بووە.
ئه‌ڕته‌شی توركیە لە ماوەی چەند مانگی ڕابردوو چەندین جار سنووری هەرێمی كوردستانی بەزاندوە و بنكەو بارەگاكانی حیزبی كرێكارانی كوردستانیان بۆردومان كردوە.
جێی بیرهێنانه‌وه‌یه که ڕۆژی ڕابردووش لە تێكهەڵچوونێكدا لە شاری سنووریی هەكاری لە توركیە 6 كەس لە هێزەكانی توركیه‌و ٦ گریلاش كوژران. ٢ که‌س له هێزه کوژراوه‌کانی تورکیه له هێلی‌کۆپتیرێک‌دا بوون که هێزه‌کانی پ ک ک به‌ریان دایه‌وه.
