گەشەنەكردنی حەشیمەتی ئێران لە ساڵی ٩٤دا

عەلی ئەكبەر مەحزوون، بەڕێوەبەری گشتیی دەفتەری ئاماری‌و زانیاریی حەشیمەتی‌و كۆچبەرانی ڕێكخراوی سەبت و ئەحواڵی ئێران ڕایگەیاند كە سەرەڕای پێداچوونەوە بە سیاسەتی حەشیمەتی، بەڵام لە ساڵی 94دا حەشیمەتی ئێران نەتەنیا گەشەی نەكردوە بەڵكوو که‌میشی کردوه‌.
پارێزگاكانی قوم، یەزد، هورموزگان و هەمەدان لە بواری گەشەی حەشیمەتەوە جووڵەیەكی كردوە بەڵام لە پارێزگاكانی گیلان، لوڕستان و كرماشان ڕێژه‌ی حەشیمەت گەشەی نەكردوە.
سەرەڕای هەبوونی بانگەشە بۆ سیاسەتی منداڵی زیاتر، پێکهاتنی ئاڵوگۆڕ له‌ داوای ژنان‌و بەرزبوونەوەی ئاستی زانیاریی ئەوان سەبارەت بە مافە كۆمەڵایەتییەكانیان، لەگەڵ هۆكارەكانی دیكەی وەك مەودای تەمەنی پێكهێنانی ژیانی هاوبەش تا منداڵی یەكەم و مەودای دوورو درێژی نێوان ئەو منداڵە تا منداڵەكەی دیكە و دابەزاندنی نرخی “زاو زێ” لە ئێرانە.
لە لایەكی دیكە بوونی٣ میلیۆن هاوسەری نەزۆك لە ئێران به‌ هۆكاری دیكەی دابەزینی گەشەی حەشیمەتی ئێران باس کراوه‌، ئه‌ویش لە هەلومەرجێكدا كە خزمەتگوزاریی نەزۆكی لە ئێرانیش لە ژێر چاودێریی بیمەش‌دا نین.
لە لایەكی دیكەوە هەوڵی دەوڵەت بۆ بەرزبوونەوەی حەشیمەت لە حاڵێك دایە كە لە ساڵی ڕابردوو ١٢٠ هەزار لەباربردنی ناقانوونی لە ئاستی ئێراندا بووە.
كۆمەڵناسان دەڵێن سیاسەتی بەربوونەوەی حەشیمەت، لە لایەك بارودۆخی شوغڵی ژنان لە بازاڕێك كە بەردەوام بۆ ژنان نائەمن بووە دەكەوێتە مەترسییەوەو لە لایەكی دیكەش نه‌خشی كۆمەڵایەتیی ئەوان وەك هێزی بەرهەمهێنەری ئابووری‌و كەسایەتیی كاریگەر لە سیاسەت و كۆمەڵگا كەمڕەنگ دەكاتەوە.