وەزیری بێهداشتی ئێران هیوای خواستوە كە سەرمایەگوزاره بیانییهکان بۆ سەرمایەدانان لە بهشی تەندروستیو سڵامەت ڕوو له ئێران بکهن؛ ئهو دهڵێ دهوڵهت بۆ خۆی ناتوانێ لهو بوارهدا هیچ بکا.
حەسەن هاشمی وەزیری بێهداشت، دەرمانو فێركردنی پزیشكیی ئێران هیوای خواست كە به هاتنی مهیدانی شیركەتە نێوخۆییو بیانییەكان و پشتیوانیی دەوڵەت لە بەشێك لە ژێرخانە وێرانەكان نۆژەن بكرێنەوە و هەلومەرج بۆ خزمەتگوزاریی بێهداشت و دەرمان باش بكرێ.
هاشمی دەڵێ ئیمكاناتی دەرما و پزیشكی لە ئێران كۆمەڵێك گیروگرفتی هەیە. كەمبوون و لە هەمان كاتدا كۆنبوونی تهئسیساتو ئیمكاناتی دەرمانی، لە تەنیشت گەمارۆكانو كەمبوودە ماڵییەكان لە قەیرانەكانی ئەم بەشەیە.
بە قسەی وەزیری بێهداشت، زۆربەی نەخۆشخانەكانی ئێران كۆنن و تەمەنیان زیاتر لە ٥٠ ساڵەو پێویستیان بە نۆژەنكردنەوەی جیددی هەیە. ئەمە لە حاڵێك دایە كە بەشێكی گرینگی خەڵك لە پەراوێزی شارەكان دادەنیشنو هیچ ئیمکاناتێکیان بۆ خزمەتگوزاریی بێهداشتی بۆ دابین نەكراوە.
هاشمی پێی لهسهر ئهوه داگرتوه كە دەوڵەت پووڵی نییە نەخۆشخانە دروست بكا و چاوی لە سەرمایەگوزاریی وڵاتانی بیانییە.
بەپێی داتاكانی وەزارەتی بێهداشت، لە ئێران ٩٠٠ نەخۆشخانە لە ئێراندا خزمەتی خەڵك دەكەن كە سەدی ٥٥یان له کهلک کهوتوون و پێویستیان بە نۆژەنكردنەوە هەیە.
لە لایەكی دیكەوە دوكتور ئیرەج خوسرەونیا، سەرۆكی كۆمەڵگەی پزیشكانی پسپۆڕ له ئێران دەڵێ، سەرانەی بێهداشتو دەرمان لە ئاستی ئێراندا ئەوەندە كەمە كە سەدی ٧٠ تێچووی دەرمانی لە نەخۆشخانە دەوڵەتییەكان لە گیرفانی خەڵك دەدرێ؛ بەم حاڵەش، ناوەندەكانی دەرمانیی دەوڵەتی لە حاڵی وەرشكستی دان.