کادرێکی سپای تیرۆریستی پاسداران لەلایەن چەکدارانی نەناسراوەوە لە شاری ساوە کوژرا.
ڕۆژی یەکشەممە ڕێکەوتی ١٢ی پووشپەڕی ساڵی ١٤٠١ی هەتاوی، کادرێکی سپای رێژیم بە ناوی ستوان دووهەم “جەواد ئەڵا کەرەمی ” لە شاری ساوە لە نێو ماشینەکەی خۆیدا لەلایەن چەکدار یان چەکدارانی نەناسراوەوە درایە بەر دەسڕێژی گوللـە و کوژرا.
تەرمی ئەم بەکرێگیراوی ڕێژیم بە بێ دەنگی لە کەشێکی ئەمنییدا لە ئیمامزادە سەید عەلی ئەسغەری شاری ساوە ژێر خۆڵ کراوە و هێشتا ڕاگەیاندنەکانی سەر بە سپا لە هۆکار و چۆنییەتی کوژرانی ئەم کەسە هیچ زانیاریەکیان نەدرکاندووە.
