ئەنباری گهورهی نەوتی ورمێ که به گەورەترین ئەنباری نەوتی باكووری ڕۆژاوای ئێران ناو دهبرێ، سەرەڕای تێپەڕینی ١٥ ساڵ تا ئێستاش تهواو نهبوه و بۆ تەواو كرانی ئەم پرۆژەیە بوودجەی زیاتر پێویستە.
بەپێی ڕاپۆرتی سەرچاوەكانی هەواڵ، هەرچەند ئەم پرۆژەیە لە ساڵی ٨٠ پەسند كرا، بەڵام كاری دەسپێكی ئەم پرۆژەیە٦ساڵ دواترو لە ساڵی ٨٦ دەستی پێكرد و بڕیار درابوو لە ساڵی ٩٢ ئەم پرۆژەیە تەواو بێ، بەڵام تا ئێستاش ئەم بڕیارەیان بۆ نهچۆته سهرێ.
كاربەدەستانی پێوەندیدار هۆكاری دواكەوتنی كاری ئەم پرۆژەیە بۆ كەمیی بوودجەو پێبەند نەبوونی كاربەدەستان بە بەڵێنییەكانیان دەگەڕێننەوەو سەرەڕای تێپەڕینی نزیكەی ٩ ساڵ لە دەسپێكی كاری ئەم پرۆژەیە، بەڵام بەهۆی كەمیی بوودجەو ئیعتبار ئەم پرۆژەیە وەستاوە.
ئەسغەر تۆفیقی، بەڕێوەبەری گشتیی شیركەتی بڵاو كردنەوەی بەرهەمە نەوتییەكانی ناوچەی ورمێ دەڵێ ئەم پرۆژەیە تا ئێستا ٣٧میلیارد تمەنی لێ خهرج کراوهو بۆ تهواوکردنهکهی ٦ میلیارد تمەنی دیكە پێویستە.
