سووتەمەنیبەرێکی بەلووچ بەناوی حوسێن هۆرمۆزی، بە تەقەی ڕاستەوخۆی هێزە چەکدارەکانی ڕێژیم لە سنووری میلک گیانی لەدەست دا.
بەپێی ڕاپۆرتی کەمپەینی چالاکانی بەلووچ، ڕۆژی سێشەممە ٧ی پووشپەڕی ١٤٠١ی هەتاوی، سووتەمەنیبەرێکی بەلووچ بەناوی” حوسێن هۆرمۆزی” بە تەقەی ڕاستەوخۆی هێزە چەکدارەکانی ڕێژیم لە خاڵی سنووری میلک سەر بە شاری هیرمەند گیانی لەدەست دا.
کەمپەینی چالاکانی بەلووچ لەوبارەیەوە ڕایگەیاندووە کە، حوسێن لەگەڵ هاوڕێیەکی دیکەیدا بەناوی محەممەد بەماتۆڕسیکلێت لە کاتی گەڕانەوە بۆ ماڵەوە بوون کە هێزە چەکدارەکانی ڕێژیم بە بێ هیچ ئاگادار کردنەوەیەک تەقەیان لێ دەکەن و لە ئاکامدا ئەو سووتەمەنیبەرە بەلووچە گیانی لەدەست دەدا.
