به بڕیاری دادستانی نیشابوور، كۆنسێرتی كەیهان كەلهوڕ لەم شارە هەڵوەشایەوە.
ئەوە یەكەمین كۆنسێرت لە كۆمەڵە كۆنسێرتەكانی گهشتی مهیقای كەیهان كەلهوڕ، ژەنیاری لێهاتووی كورد بوو كە قەرار بوو وێڕای ئەندامانی گرووپەكەی بۆ ماوەی دوو شەودا لەم شارە بەڕێوەی ببا، بەڵام لە دوایین ساتەكانداو لە حاڵێكدا كە ئەندامانی ئەم گرووپە خەریك بوون لە فڕۆكەخانەی تارانەوە بەرەو نەیشابوور وەڕێ دەكەوتن، لە پێوەندییەكی تهلهفونیی كورتدا پێیان ڕاگەیاندن كە ئەم كۆنسێرتە هەڵوەشاوەتەوە.
هەڵوەشانەوەی كۆنسێرتی كەیهان كەلهوڕ لە حاڵێكدا بووە كە مۆڵەتی قانوونیو بەڵگەی پێویست بۆ بەڕێوەبردنی ئەم كۆنسێرتە، وەك مۆڵەتی شوورای دابینكردنی پارێزگا، ئیدارەی ئەماكینو وەزارەتی ئیرشادی بۆ وهرگیرابوون. ههروهها سوورەت جەلەسەی شوورای دابینكردن لە بابەت ڕەزامەندی هەموو لایەنەكان بۆ بەڕێوەبردنی ئەم كۆنسێرتە پێشانی ئەندامانی گرووپ درابوو، بەڵام بەپێی بڕیاری نوێی دادستانی نەیشابوور ئەم كۆنسێرتە هەڵوەشایەوە.
شایانی باسه قەرارە كەیهان كەلهوڕ ڕۆژی ههینی ٢٤ی بانەمەڕ لە یەزد و ٢٥ و ٢٦ی بانەمەڕیش لە ساڵۆنی “ئینتزار” لە شاری كرماشان كۆنسێرتی هەبێ.
