دوو سووتەمەنی‌بەری بەلووچ لە جادەی میناب بەهۆی ڕاوەدوونانی هێزەکانی ڕێژیم و وەرگەڕانی ماشینەکەیان و ئاگرگرتنی بارەکەیان گیانیان لەدەستدا.
بەپێی ڕاپۆرتی کەمپەینی چالاکانی بەلووچ، ڕۆژی دووشەممە ٦ی پووشپەڕی ١٤٠١ی هەتاوی،پاش ڕاوەدوونانی هێزە چەکدارەکانی رێژیم لە پاسگای میناب و وەرگەڕان وتەقینەوەی ماشینێکی سووتەمەنی‌بەر لە جادەی میناب_ بەندەر عەباس، هاوڵاتیی بەلووچ کە تا ئێستا ناسنامەیان ئاشکرا نەبووە گیانیان لە دەستداوە.
