ئەحمەدڕەزا ڕەعنایی، سەرۆكی هەیئەتی بەڕێوەبەرایەتیی ئەنجومەنی یەدەكسازانی ئێران باسی لە قەیران لەم بەشەدا كرد.
ناوبراو گوتی: بەهۆی هاوردە كردنی قهتعه یەدەكییەكانی چین، سەدی ٥٠ی یەدەكسازیی ئێران لە كارو چالاكی وەستاوە.
ڕۆژی دووشەممە ١٩ی بانەمەڕ، ئەحمەدڕەزا ڕەعنایی سەرۆكی هەیئەتی بەڕێوەبەرایەتیی ئەنجومەنی یەدەكسازانی ئێران ڕایگەیاند: لەچاو ساڵی ٩٠، واته چوار ساڵ لهوه پێش دوو لە سێی یەدەكسازییەكانی ئێران یان بە یەكجاری داخراون، یان بۆ ماوەیەكی كاتی كارو چالاكیی خۆیان هەڵپەساردوە، بە جۆرێك كە لە ئێستادا نیوهی کارخانهکانی یەدەكسازیی ئێران بە تەواوی لە كارو چالاكی كەوتوون.
ناوبراو هۆكاری ئەم مەسەلەی بۆ گەمارۆكانو هاوردە كردنی پارچە یەدەكییەكان له وڵاتی چین گەڕاندەوەو گوتی لە كاتی گەمارۆدرانی كارخانەكانی ئۆتۆمبێلسازی، دەستیان بە هاوردە كردنی پارچە یەدەكییەكانی چین كردو ناچار بوون ئاستی چاوەڕوانیی خۆیان لە ستانداردەكان كەم بكەنەوە تا بتوانن لە بەرهەمهێناندا توانای ڕکهبهرییان بمێنێ.
