سەرۆكی ڕێكخراوی سەنعەت، كانزاو تیجارەتی پارێزگای كرماشان گوتی: ٤٥٢ یەكەی سەنعەتی لەم پارێزگایە داخراونو ٤٧٨ یەكەی دیكەش نیوە چالاكن.
نیعمەتوڵڵا حەقیقی لە كۆبوونەوەی كارگرووپی ستادی کارئاسانیی پارێزگادا كە بە بهشداریی پارێزگاری كرماشان بەڕێوەچوو، باسی لەوه کرد که٩٣٠ یەكەی سەنعەتی لەم پارێزگایەداههبوو که دهرفهتی کارییان ڕاستهوخۆ بۆ ٢٨ هەزارو ٤٠٠ كەس ڕهخساندبوو.
ناوبراو لە درێژەی قسەكانیدا گوتی: بهڵام ئێستا ٤٥٢ یەكەیان نیوەچالاكن یا بە تەواوی لە كارو چالاكی كەوتوون و بەوەش زیاتر لە ٨٦٠٠ كەس كارو شوغڵی خۆیان لە دهست داوه.
بەقسەی ئەم كاربەدەستەی پارێزگاریی كرماشان، بەشی زۆری ئەم یەكە سەنعەتییانە لە كارگە بچووكەكان پێكهاتوون كە ٥٠ كرێكاریان هەیە.
سەرۆكی ڕێكخراوی سەنعەت، كانزاو تیجارەتی پارێزگای كرماشان هەروەها ئاماژەی بە سەرەكیترین كێشەی پیشەسازییەكانی ئەم پارێزگایە كردو گوتی: سەدی ٢٦ی ئەم یەكانە بههۆی قەرزی دواكەوتووی بانكەكان، سەدی ٢٢یان بههۆی كەمیی سەرمایە، سەدی ٢٠ی دیكەیان بههۆی كێشەی بەڕێوەبەرایەتیو نهسازان لهگهڵ هاوبەشەكان، سەدی ٢٣ی بههۆی گرفتی بازاڕهو سەدی ٦یان بههۆی لهکارکهوتنی ماشێنەكانو سەدی ٤یشیان بههۆی كۆمەڵە گرفتێكی دیكە داخراون یان له کارکهوتوون.
حەقیقی لە كۆتایی قسەكانیدا باسی لە داواکانی كارگرووپی ئاسانکارییهکان بۆ بەشی سەنعەت كردو گوتی: ئێمە داوامان ئەوەیە كە لە ماوەی ئەمساڵدا ٢٥ میلیارد تمەن یارمەتیی فەننیو بودجه بخرێتە بەر دەستی ئەم كارگرووپە تا لەم ڕێگەوە بەشێك لە كێشە ماڵییەكانی ئەم یەكە سەنعەتییانەی کرماشان چارەسەر بكرێن.