داخرانی ٥ ژووری پێشانگای كتێبی تاران

هومایون ئەمیرزادە، سەرۆكی شورای چاودێری‌و هەڵسەنگاندنی بیست‌و نۆیەمین پێشانگای كتێبی تاران ئاماژەی بە داخرانی ٥ ژووری دیکەی ئەم پێشانگایە كرد.
لە پێنجەمین ڕۆژی ئەم پێشانگایە یەكێك لە ژوورەكانی بۆ ماوەی ڕۆژێک داخراو بە ٤ دەزگای بڵاوکراوەی دیكەی کتێبیشیان ڕاگەیاندبوو كە تا كۆتایی پێشانگاکە مافی ئەوەیان نییە غورفەکانیان بكەنەوە.
بیست‌و نۆیەمین پێشانگای نێودەوڵەتیی كتێبی تاران لە ڕۆژی ١٥ی ئەم مانگەوە كراوەتەوەو ڕۆژی ٢٥ دادەخرێ. بە قسەی سەرۆكی شورای چاودێری‌و هەڵسەنگاندنی بیست‌و نۆیەمین پێشانگای كتێبی تاران، لەم پێشانگایەدا ٢٠ هەزار عینوانی كتێبی نێوخۆیی و ٢٠ هەزار عینوان كتێبی نووسەرانی بیانی بەشدارن.