زیاتر لە ٧ میلیۆن کەس لە ئێران کەمترین مووچەو حەقدەستیان دەدرێتێ.
سكرتێری كانوونی ئەنجومەنەكانی سێنفیی كرێكاران وێڕای ئاماژە بەوەی كە زیاتر لە ٧ میلیۆن كرێكار لە ئێران كەمتر لە ٨١٢ هەزار تمەن مووچە وەردەگرن، باسی لە پەرەسەندنی دیاردەی شوغڵی ناڕەسمی لەگەڵ هەقدەستی كەمو بیمەنەكردنی کرێکاران كرد.
هادی ئەبەوی گوتی ئەمنیەتی شوغڵیو مووچەی باش لە داڵغە سەرەكییەكانی كرێكارانی ئێرانەو كۆمەڵگەی كرێكاریی ئێران ئەمڕۆكە لە بواری ژیانو دابینكردنی پێداویستیی سەرەكی ژیان گیروگرفتی یەکجار زۆری هەیە.
سكرتێری كانوونی ئەنجەمەنەكانی سێنفیی كرێكاران لەبارەی دوایین بارودۆخی زیادکردنی ٢٠ هەزار تمەن هەقی نیشتەجێبوونی كرێكاران گوتی، هێشتا هیچ هەواڵێك لە جێبەجێبوونی ئەو بەڵێنەی وەزیری کار لە ئارادا نییە، ئەگەرچی هەقی نیشتەجێبوون بڕێكی زۆر كەمەو لە هەلومەرجی ئێستاو بەم هەموو دژوارییەكانی كۆمەڵگەی كرێكاری ناتوانێ كۆمەك خەرجییەك بۆ كرێكاران بێ.