“خالید قوربانی” هاوڵاتیی خەڵکی کامێران لەلایەن هێزە ئیتلاعاتییەکانی ڕێژیمەوە لەو شارە دەسبەسەرکرا.
ڕۆژی چوارشەممە، ١١ی جۆزەردانی ساڵی ١٤٠١ی هەتاوی، هاووڵاتییەک بە ناوی “خالید قوربانی” تەمەن ٢٦ ساڵ خەڵکی کامێران و دانیشتووی شاری سنە لە لایەن هێزە ئیتلاعاتییەکانی ڕێژیم لە شاری کامێران دەسبەسەر و بۆ گرتنگەی ئیتلاعاتی ڕیژیم ئەو شارە ڕاگوێزرا.
ئەم هاوڵاتییە کوردە بە بێ هیچ هۆیەک و بەڵگەیەکی یاسایی لەلایەن هێزە سەرکوتکەرەکانی ڕێژیمەوە دەسبەسەر کراوە و بنەماڵەکەشی لە هۆی گرتن و شوێنی مانەوەی هیچ زانیارییەکیان نییە.
