ئیرەج محەممەدی، بەندكراوی سیاسی كە بۆ بەندیخانەی تەورێز دوور خراوەتەوە، لە حاڵی تێپەڕكردنی حەوتەمین ساڵی زیندانیی خۆی دایەو، سەرەڕای تووشبوون بە نەخۆشی ئەعسابو دەروونی لە پێڕاگەیشتنی پزیشكی بێبەش کراوە.
ناوبراو كە پێشتر پێشینەی سەكتەی مێشكی هەبووە بە بێ پەتۆ و كەلوپەلی سەرەتایی ناچارە لەسەر عەرزی بخەوێ. ناوبراو هەڕەشەی لە كاربەدەستانی بەندیخانە كردوە كە ئەگەر مافە سەرەتاییەكانی بۆ نەگەڕێننەوە خۆی دەكوژێ.
ئەم بەندكراوە سیاسییە کوردە لە نەورۆزی ئەمساڵەوە لە زیندانی زاهیدانڕا بۆ بەندیخانەی ناوەندیی تەورێز گواستراوەتەوەو ئێستا لەبەندی ١١ تایبەت بە دزاندا ڕاگیراوە.
ئیرەج محەممەدی ڕۆژی ٥ی خاكەلێوەی ئەمساڵ لە زیندانی زاهیدان بۆ تەورێز گواسترایەوەو زیاتر لە یەك مانگە هێشتا ناوبراو لەسەر عەرزی دەخەوێننو هیچ پەتۆیەكیان پێنەداوە.
ئیرەج محەممەدی لە مانگی جۆزەردانی ساڵی ٨٨ لەگەڵ محەممەدئەمین ئاگووشی و ئەحمەد پۆڵادخانی بە تۆمەتی سیخوڕی بۆ هەرێمی كوردستان دەسبەسەرو لە ئاكامدا لە مانگی خاكەلێوەی ساڵی ٩١ هەركام حوكمی ١٠ ساڵ زیندانیی تەعزیریو دوورخرانەوەیان بۆ بڕایەوەو بۆ بەندیخانەی زاهیدان گواسترانەوە.
ئیرەج محەممەدی لەگەڵ محەممەدئەمین ئاگووشی لە ڕۆژی ٥ی خاكەلێوەی ئەمساڵ لە زیندانی زاهیدان بۆ بەندیخانەی شاری تەورێز گواسترانەوەو لە ئێستادا لە حاڵی كێشانی ماوەی حوكمەكەیان دان.
