ڕەوتی بەرهەمهێنانی فەڕشی دەستچن لە پارێزگای سنە ڕوو لە كزییە.
بەپێی ئامارە ڕەسمییەکان ساڵانە ٣٠٠ هەزار میتر فەڕشی دەستچن لە پارێزگای سنە بەرهەم دێ، بەڵام بە هۆی بیمەنەكردنی كرێكارانو ڕەنج بە خەساریی تەونکەران، بەرهەمهێنانی فەڕش ڕوو لە دابەینە.
ئەحمەد ڕەشیدی، بەڕێوەبەری گشتیی ئیدارەی كار، تەعاونو خۆشبژیویی كۆمەڵایەتی لە كۆبوونەوەی فەڕشی دەستچن كە لە كانوونی “موتەهەری”ی شاری قوڕوەدا بەڕێوەچوو، بێبازاڕیو نەبوونی كڕیار، بارودۆخی خراپی هەناردەی فەڕش بۆ دەرەوە، كەمیی هەقدەستی كرێكارانی مافوورچن و بەرزبوونەوەی نرخی مادە سەرەتاییەكان، دواکەوتنی حەقدەستی چنینی تەونکارانو نەبوونی تەبلیغات لە بازاڕە نێوخۆییو دەرەوەی بە هۆكارە سەرەكییەكانی دابەزینی بەرهەمهێنانی فەڕشی دەستچن ناوبردوە.
شایانی باسە پشتگوێ خستنی پیشەسازیی مافورچنی لە کوردستان لە حاڵێک دایە کە پەرەپێدان بە بەشە دەتوانێ کاریگەریی زۆر لە دابەزاندنی نرخی بێکاریدا هەبێ.