شیركەتی گازی ئیلام بەبێ هیچ چەشنە ئاگادارکردنەوەی پێشوەخت، قەبزی گرانی لەسەر خەڵك كردووەو كاتێك خەڵک هۆكاری ئەم گرانییە دەپرسن، شیركەتی گاز وڵامێكی مەنتقییان نادەنەوەو ناتوانن بە قەناعەتیان ن
بەپێی ڕاپۆرتی هەواڵدەیی حکومەتیی ئیسنا ئەم بڕیارەی شیركەتی گازی ئیلام لە كاتێكدا بووە كە پێشتر خەڵكی لەم مەسەلەیە ئاگادار نەكردۆتەوە.
هاووڵاتییەكی ئیلامی كە خاوەنی خانوویەکی ٢٠٠ میترییە، وێڕای دانە بەر ڕەخنەی گرانبوونی نرخی گاز و ناردنی ئەم قەبزە گرانانە كە لەم دواییانەدا بەسەر خەڵكدا دابەش كراون، گوتی: ئێمە بۆ گرمكردنی ماڵەكانمان كەڵك لە شوفاژ وەردەگرینو ئێستاش کەرستەی گەرمکەرەوەکان وەڵا ناوە.
ئەم هاووڵاتییە هەروەها گوتوویەتی لە حاڵی حازردا كەڵك وەرگرتن لە گاز زیاتر هەر بۆ چێشت لێنانەو نابێ ئەم هەمووە پوولەمان بۆ هاتبا.
هەر لەم پێوەندییەدا كەسێكی دیكەی خەڵكی ئیلام بە هەواڵدەریی ئیسنای ڕاگەیاندوە: چەند ڕۆژ لەوەپێش قەبزێكی گازیان خستبووە نێو سندووقی دەرگای ماڵەكەمان، بەڵام سەرم سووڕما کە بینیم ٤٠٠ هەزار تمەنمان بۆ هاتوە، ئەوەش لە حاڵێك دا كە تا ئێستا شتی وا نموونەی نەبووە.
ئەم هاووڵاتییە دەڵێ دیتنی ئەم ڕەقەمە شۆكەی كردووم، سەرەڕای ئەوەی كە زستان تەواو بووەو بڕی بەكارهێنانی گاز لە ماڵەكان كەمتر بووە، بەڵام بەم حاڵەش نرخی قەبزی گازەكانمان چەند قات زیاتر بووە، كاتێكیش سەردانی شیركەتی گازمان كردووە هۆكاری گران بوونی ئەم قەبزانەمان لێ پرسیون، دەڵێن گاز گران بووە، ئێوە ئاگاتان لێ نییە.
