خەڵکی شاری ئابادان بە هۆی کارەساتی ڕووخانی بینای میترۆپۆل کە بووە هۆی کوژرانی دەیان کەس ڕژانە سەر شەقام ودژی ڕێژیم خۆپێشاندانیان کرد.
خەڵکی ئابادان سەر بە پارێزگای خوزستان لە دوای کارەساتی ڕووخانی باڵەخانەی میترۆپۆل شەوی ڕابردوو ڕێکەوتی ٤ی جۆزەردانی ساڵی ١٤٠١ی هەتاوی بە هۆی وڵامنەدانەوەی ڕێژیم و سزانەدانی کاربەدەستانی ئەم رووداوە دڵتەزێنە هاتنە سەر شەقام و خۆپێشاندانێکی بەرینیان دژ بە رێژیم رێکخست و دروشمی دژ بە دەسەڵاتی گەندەڵی کۆماری ئیسلامیان سەردا .
جێگای ئاماژەیە کە ڕۆژی٢ی جۆزەردان، بینای نیوەکارەی میترۆپۆل لە شاری ئابادان بە هۆی ناستانداردبوون و گەندەڵیی لە کەرەستەی بیناسازیەکەیدا ڕووخا و بووە هۆی کارەساتێکی گەورە کە ١٨ کوژراو و ٣٨ برینداری لێکەوتەوە
