هاووڵاتییەکی بەلووچ بەناوی”نەزەر خاکیزێهی” بەهۆی تەقەی ڕاستەوخۆی هێزە چەکدارەکانی ڕێژیم لە سنووری “کوهەک جان”ـی سەراوان گیانی لەدەستدا.
بەپێی ڕاپۆرتی کەمپەینی چالاکانی بەلووچ، ڕۆژی چوارشەممە ٤ی جۆزەردانی ١٤٠١ی هەتاوی هێزە چەکدارەکانی ڕێژیم لە سنوورەکانی سەراوان بە بێ هیچ بەڵگە و ئاگادارکردنەوەیەک ڕاستەوخۆ تەقە لە هاووڵاتییەکی بەلووچ بەناوی” نەزەر خاکی زێهی” دەکەن و دەیکوژن.
کەمپەینی چالاکانی بەلووچ لەم پێوەندییەدا ڕایگەیاندووە کە لەماوەی یەکساڵی ڕابردوودا هێزە چەکدارەکانی ڕێژیم بەبێ هیچ بەڵگەیەکی قەزایی وئاگادارکردنەوەیەک ٧٧ هاووڵاتیی بەلووچیان کوشتووە و بریندار کردووە.
