کاسبکارێکی ١٧ ساڵە بەناوی” سینا مە عرووفی” خەڵکی بانە لە سنووری بانە بە تەقەی ڕاستەوخۆی هێزەکانی رێژیم بریندار کرا.
کاسبکارێکی لاو خەڵکی بانە بە ناوی “سینا مەعرووفی” تەمەن ١٧ ساڵ، ڕۆژی شەممە ٣١ی بانەمەڕی ١٤٠١ی هەتاوی، لە سنووری “کێلێ “ـی سەر بە شاری بانە لەلایەن هێزە چەکدارەکانی رێژیمەوە درایە بەر دەسرێژی گولـلە و بریندار کرا.
جێگای ئاماژەیە کە هێزەکانی رێژیم لەم سنوورە هەڵیانکوتایە سەر بار و کۆڵی کۆڵبەران و کەلوپەلی ناو ماشینی ئەم کاسبکارە لاوەیان بە تاڵان برد و هێزەکانی رێژیم لە کاتی تاڵانیشدا کۆڵبەرەکانیان دایە بەر لێدان و دەسڕێژی گولـلە.
