قاسم جاسمی، نوێنەری كرماشان لە مەجلیس دەڵێ سەدی ٨٥ی كۆمەڵە پیشەسازیو بازرگانییەكانی پارێزگای كرماشان وهرشکسته بوونو داخراون.
جاسمی، ڕۆژی یەكشەممە ١٢ی بانەمەڕ لە لێدوانێكدا بۆ هەواڵدەریی تەسنیم گوتی تەنیا سەدی ١٠ تا سەدی ١٥ی كۆمەڵە پیشەسازیو بازرگانییەكانی پارێزگای كرماشان خەریكی چالاکنو ئەم یەكە چالاكانەش به زهرفییهتی سەدی ٤٠ تا سەدا ٤٥ی سەرەكیی خۆیان كار دەكەن.
نوێنەری كرماشان لە مەجلیس داوای لە دەوڵەت كردوه تا بە سەرنجدان بە ئاستی لێهاتووییو گیرو گرفتهکانی بهردهم گهشهی پارێزگای كرماشان لە ڕوانینێكی تایبەتەوە بوودجە بۆ ئەم پارێزگایە تەرخان بكەن.
جاسمی پیشەسازیی پارێزگای كرماشانی بە لاواز وەسف كردووەو گوتوویەتی ئەم پارێزگایە پێویستی بە سەرمایەدانانی كەرتی تایبەتو دەوڵەتی هەیە تا بتوانن لەم ڕێگەوە ڕێژەی بێكاری كەم بكەنەوە. پارێزگای كرماشان یهکێک لهو لەو ٣ پارێزگایەی ئێرانە كە زۆرترین ڕێژەی بێكاریی هەیە.
ڕەزا ڕەحیمی، سەرۆكی ڕێكخراوی سەنعەت، كانزا و تیجارەتی پارێزگای كرماشانیش ساڵی ڕابردوو باسی لە داخرانی ٢٠٦ یەكەی بەرهەمهێنەر لەم پارێزگایە كردبوو و گوتبووی بە داخرانی ئەم كارگانە ٣ هەزار كەسی دیكەش به حەشیمەتی بێكاری پارێزگای كرماشان زیاد بوون.
