لەگەڵ پەرەسەندنی گرژی و ئاڵۆزییەکانی نێوان ڕووسیە و یەکیەتیی ئورووپا لە سەر شەڕی ئۆکراین، ڕووسیە بەمەبەستی تۆڵەکردنەوەی دەرکردنی دیپلۆماتەکانی لە وڵاتانی ئورووپایی ٨٥ دیپلۆماتی ئورووپایی لەو وڵاتە دەرکرد.
لەگەڵ پەرەسەندن و قووڵتربوونەوەی گرژی و ئاڵۆزییەکانی ڕووسیە و یەکیەتیی ئورووپا لە سەر شەڕی داسەپاوی ڕووسیە بۆ سەر ئۆکراین و پشتیوانیی وڵاتانی ئورووپایی لە ئۆکراین، وەزراەتی دەرەوەی ڕووسیە ڕایگەیاند کە ٨٥ دیپلۆماتی وڵاتەکانی فەرانسە، ئیسپانیا و ئیتالیا لە خاکی ڕووسیە دەرکردووە.
لەو پێوەندییەدا جێگری وەزیری دەرەوەی ڕووسیە ڕۆژی ٥ی بانەمەڕ، ڕایگەیاند کە لە سەرەتای دەسپێکی شەڕی ڕووسیە لەگەڵ ئۆکراین تا ئێستا زیاتر لە ٤٠٠ دیپلۆماتی ڕووسیە لەو ٢٨ وڵات دەرکراون.
