٤٥٠٠ پرۆژەی نیوەتەواوی وەرزشی لە ئێران هەیە كە بۆ تەواو كردنیان بڕی ١٠ هەزار میلیارد تمەن ئیعتیبار پێویستە، ئەوە لە حاڵێك دایە كە بوودجەی ساڵانەی وهزارهتی وەرزشو لاوان تهنیا ٥٠٠ میلیارد تمەنە.
ئیرەج ڕەحمانی، بەڕێوەبەری گشتیی هاواهەنگیی كاروباری پارێزگاكانی وەزارەتی وەرزشو لاوان وێڕای ڕاگەیاندنی ئەم هەواڵە گوتی وەزارەتی وەرزش و لاوان لە بەشی بەربەرەكانی لەگەڵ مادەی هۆشبەردا هیچ بوودجەیەكی بۆ وەبەرچاو نەگیراوە.
تەرخان نەكرانی بوودجە بۆ ئەم مەبەستە لە حاڵێك دایە كە وەرزش دەتوانێ لە بواری زیانە كۆمەڵایەتییەكانو ڕێگری كردن لە تووشبونی لاوان بە ئیعتیاد دەورێكی باشی هەبێ.
ناوبراو وێڕای ئاماژە بەم مەسەلە كە ٤ هەزار و ٥٠٠ پرۆژەی نیوەچڵ لە شوێنه جۆراوجۆرهکانی ئێراندا به سهر دهستی دهوڵهتدا ماوهتهوه، گوتی: ئەم كۆمەڵە پرۆژەیە پێویستییان بە تهرخانکردنی ١٠ هەزار میلیارد تمەن ئیعتیبار هەیە، بەڵام سەرجەم بوودجەی ئەم وەزارەتخانەیە ٥٠٠ میلیارد تمەنە.
