هاوكات لەگەڵ گەیشتنی ڕۆژی كرێكار، بانگكرانی چالاكانی كرێكاریش لە لایەن ناوەندە ئەمنەیتییەكانەوە زیاتر بووه..
بەپێی ڕاپۆرتی هەواڵدەریی كوردستانو كورد ئیدارەی ئیتلاعاتی هێزی ئینتزامیی سنە، عەبباس ئەندریانی چالاكی كرێكاریو ئەندامی كۆمیتەی هاواهەنگیو، موزەفەر ساڵحنیا چالاكی كرێكاریی شاری سنه لە لایەن ئیدارەی حیفازەتی ئیتلاعاتی هێزی ئینتزامی ئهو شارهوه بانگ كراون.
مەئموورەكانی حیفازەتی ئیتلاعات ئەوەیان لەم چالاكە كرێكارییە ویستوه كە نابێ بۆ بەڕێوەبردنی کۆبوونهوهی سهربهخۆی ڕۆژی جیهانیی كرێكاردا هیچ چەشنە هەوڵێك بدەنو هەروەها بۆشیان نییە لە هیچ ڕێوڕەسمێكدا بەشداری بكەن كە بۆ ئەم مەبەستە بەڕێوەدەچێ.
لە لایەكی دیكەوە ئەنجومەنی سینفیی كرێكارانی نانەواییەكانی سنە، مەریوانو سەوڵاوا بە دەركردنی بڕیارنامەیەكی هاوبەش وێڕای باس له بارودۆخی خۆیان داواكانیان هێناوهته بهرباس.
لە بەشێكی ئەم بڕیارنامەیەدا هاتووە كە ئێمە مافی پێكهێنانی دامەزاروەی سەربەخۆی كرێكاری، مافی گرتنی کۆڕو كۆبوونەوە، مانگرتن، ئازادیی بیروڕادهربڕین، بەرامبەریو یهکسانیی مافهکانی ژنو پیاو لە هەموو بوارهکانی ژیانی كۆمەڵایەتیو ئابووریو؛ ههروهها هەڵوەشاندنەوەی قانوونەكانی هەڵاواردن دژی ژنانمان دەوێ.
هەڵوەشانهوەی هەموو حوكمە ناقانوونییەكانی زیندان، لێدانی قامچی، دوورخستنەوەی چالاكانی سێنفیی كرێكاریو مامۆستایان، قەدەغەكرانی كاری منداڵان، دەرنەكردنی كرێكاران، هەڵوەشاندنەوەی هەموو گرێبەستە كاتییەكان بەشێكی دیکه لە داواكانی ئهو ئهنجومهنه کرێکارییانهن که لهو بڕیارنامهیهدا ئاماکهیان پێ کراوه.
لە بەشێكی دیكەی ئەم بڕیارنامەیەدا هاتوە، دیاریكردنی هەقدەستی ٨١٢ هەزار تمەنی لە لایەن شورای باڵای كارهوە مردنی وردەوردەی بە میلیۆن كرێكارهو داوای بەرزبوونەوەی هەقدەستەكان بەپێی ستانداردەكانی ئەمڕۆی جیهان، بۆ هەموو كرێكارانو مووچەخۆران کراوه.
