هێزە چەکدارەکانی ڕێژیم لە “عەنبەرئابادی” کرمان، ڕاستەوخۆ تەقە لە ماشینی شارۆمەندێکی بەلووچ دەکەن و لە ئاکامدا ئەو هاووڵاتییە گیانی لەدەست دەدا.
بەپێی ڕاپۆرتی کەمپەینی چالاکانی بەلووچ، ڕۆژی هەینی١٦ی بانەمەڕی ١٤٠١ی هەتاوی هێزە سەرکوتکەرەکانی ڕێژیم لە عەنبەرئابادی کرمان، بەبێ هیچ هۆکارێک ڕاستەوخۆ تەقە لە ماشینی شارۆمەندێکی بەلووچ دەکەن و دەسبەجێ ئەو هاوڵاتییە کە ناوی ئاشکرا نەکراوە گیانی لەدەست دەدا.
کەمپەینی چالاکانی بەلووچ لەم پێوەندییەدا ڕایگەیاندووە کە هێزە چەکدارەکانی ڕێژیم تەنیا بەگومانی ئەوەیکە، ماشینی ئەو هاووڵاتییە کەلوپەلی قاچاخی تێدایە ڕاستەوخۆ تەقەیان لەو ماشینە کردووە و شوفێرەکەیان کوشتووە.
