محەمەد فایەق، بەڕێوەبەری ڕاگەیاندنی قایمقامییەتی قەزای خورماتوو دهڵێ حەشدی شەعبی تا ئێستا زیاتر لە ٤٧ کوژراو و ١١٥ برینداریان هەیەو لە نێو کوژراوەکاندا ئێرانی، عەرەبی باشووری عێراقو تورکمانی شیعەشی تێدا.
ئهو دهڵێ هەڵگیرسانی شەڕی مەزهەبی لەم ناوچەیە هەموو کوچەو کۆڵانێکی گرتۆتەو تا ئێستا چەند هاووڵاتیش بوونەتە قوربانی شەڕی مەزهەبیو تا ئێستاش هەموو کۆبوونەوەکان بۆ ئارامکردنەوەی بارودۆخی خورماتوو بێ سوود بووە.
بەڕێوەبەری راگەیاندنی قایمقامییەتی قەزای خورماتووش ئاماژە بەوە دەکات کە لە ناو برینداران و کوژراوانی حەشدی شەعبی خوراسانی ئێرانی و عەرەبی باشووری عێراق و تورکمانی شیعەشی تێدایە.
محەمەد فایەق دهڵێ سەعات ١١ی شەوی رابردوو، هێزەکانی حەشدی شەعبی چەند گوللـە خومپارهیهکیان ئاراستەی گوندە کوردنشینەکان کردو یەکێک لە گوللـە خۆمپارانه بەر بۆشکه نەوتی ماڵە کوردێک کەوتو بەو هۆیەوە دوو منداڵ سووتاون کە برینی یەکێکیان سەختە.
بەڕێوەبەری راگەیاندنی خورماتوو ئاماژەی بە ژمارەی کوژراو و بریندارەکانی ئەو شەڕەی چەند رۆژی رابردوو کردو گوتی: “حەشدی شەعبی تا ئێستا ٤٧ کوژراو و زیاتر لە ١١٥ برینداریان هەیەو لە ناو کوژراوەکانیشدا خەڵکی خوراسانی ئێرانو عەرەبی باشووری عێراقو تورکمانی شیعەش دهبیندرێ.
بەڕێوەبەری راگەیاندنی خورماتوو دهڵێ کە دوو تیپی چهکدار به ناوی کهتیبهی خوراسانی هەیە، یەکێکیان عێراقیو ئەوەی دیکەیان ئێرانییە کە ماوەیەکی زۆرە لەو ناوچەیە جێگیر کراون. ئهو لە درێژەی قسەکانیدا گوتی: ئەوانەی کوژراون لە کەتیبەی ئێرانین، ئهوان لەگەڵ هاتنی گرووپی تیرۆریستی داعش هاتوونهته ئەم ناوچەیەو ئێستا لە هەموو عێراقدا بڵاو بوونهتهوه
ناوبراو لە کۆتاییدا ڕەشبینی خۆی بە دانیشتنەکان بۆ چارەسەریی کێشەکان نەشاردەوەو رایگەیاند کە دەبێ هێزی چەکداری حەشدی شەعبی لە نێوشاردا نەمێنێو هێزەکانی پۆلیسو ئاسایش، ئهمنیهتی خورماتوو وەئەستۆ بگرن.
سهرچاوه: ئاژانسی ئانادۆل