لە ماوەی مانگی ڕابردوودا تا ئیستا، لانیکەم ٥٥ کۆڵبەر و کاسبکار لە سنوورەکانی کوردستان یان کوژراون یان بریندار بوون.
بە پشتبەستن بە ئامارەکانی رێکخراوە مرۆییەکان لە ماوەی مانگی ڕابردوودا تا ئێستا ، لانیکەم ٥٥ کۆڵبەر لە سنوورەکانی کوردستان یان کوژراون، یان بریندار کراون کە لە سەتا ٨٩ی ئەو ڕووداوانە بە تەقەی ڕاستەوخۆی هێزە چەکدارەکانی ڕێژیمی ئێران لە سنوورەکان بووە و ئەم ڕێژەیە بە بەراورد لەگەڵ مانگەکانی ڕابردوودا لە سەتا ٦٦ بەزر بوەتەوە.
بەپێی ئەم ڕاپۆرتە، لەو ماوەیەدا ٤ کۆڵبەر کوژراوە و ٥١ کۆڵبەر و کاسبکاریش بریندار بوون.
زیاترین ژمارەی کوژران و بریندار لە پارێزگای کرماشان تۆمار کراوە کە ٥٢ حاڵەت بووە. دوو کۆڵبەر کە لە سنوورەکانی کرماشان بریندار کراون تەمەنیان ژیر ١٨ ساڵ بووە.
