پارێزگاری ئیلام وێڕای گلەیی كردن سهبارهت بهوه که هیچ هەوڵێك بۆ پەرەپێدانی ژێرخانە گەشتیارییەكانی ئەم پارێزگایە نەدراوە، گوتی: هیچ چەشنە ئیمكاناتێك لە بواری گەشتیاریی ئەم پارێزگایەدا بەدی ناكرێ، بەڵام هیچ كەسو لایەنێكیش لە بەرامبەر ئەم گرفتەدا خۆی بە وڵامدەر نازانێ.
قسهکانی پارێزگاری ئیلامو گلهییهکانی له حاڵێک دایه که بۆ خۆی پایهبهرزترین کاربهدهستی دهوڵهته لهو پارێزگایهدا.
بەپێی قسەكانی محەممەدڕەزا مروارید لە ڕۆژانی پشووی نەورۆزی ئەمساڵدا نزیكەی ٤٠٠ هەزار گەشتیاری نێوخۆییو بیانی سەردانی ئەم پارێزگایەیان كردوه، بەڵام تەنیا سەدی ١ی ئەم گەشتیارانە بۆ حەسانەوەو وچان دان بچنە هۆتێلو مسافیرخانەكان.
ناوبراو پێداگری لهسهر ئهوه دهکا که ڕهخنهی زۆریان لە ڕێكخراوی میراتی فەرهەنگی هەیە، چونكی هیچ لە خەمی ئەم پارێزگایەدا نینو لە بواری دابینكردنی بوودجەو ئیعتبارو پەرەپێدانی ژێرخانەكان بە هیچ شێوەیەك پشتیوانی لە پارێزگای ئیلام ناكەن.
پارێزگاری ئیلام لە درێژەی قسەكانیدا گوتی: بوودجەو ئیعتبارەكانی سندووقی گەشەی میللیش تەنیا وەبەر پارێزگا ساماندارەكانی ئەم وڵاتە دەكەوێو پارێزگا هەژارەكانی وەك ئیلام هەلی دەستڕاگەیشتن بە بوودجەی ئەم سندووقەشیان نییە.
مروارید وەبیری هێنایەوە كە، بە مەبەستی دروستكردنی هۆتێلی ٤ ئهستێره یان ٥ ئەستێرە، لەگەڵ چەند گرووپی نێوخۆییو بیانی دانووستایان كراوە، بەڵام لە لایەن ڕێكخراوی میراتی فەرهەنگییەوە بە هیچ شێوەیەك پشتگیری لەم هەوڵەش نەكراوە.