لە ڕۆژانی ڕابردوودا بە تەقەی ڕاستەوخۆی هێزەکانی ڕێژیم لە سنووری نەوسوود،کۆڵبەرێک گیانی لەدەست دا و سێ کۆڵبەر بریندار بوون.
ئێوارەی ڕۆژی پێنجشەممە ٨ی بانەمەڕی ۱٤۰۱ی هەتاوی، سێ کۆڵبەر بە ناوەکانی “ئومید یوونسی” و “موختار شامورادی” خەڵکی شاری سەلاس‌باوەجانی و مەسعوود مەحموودی،۳۲ساڵە و خەڵکی گوندی سێوە، سەر بە شاری مەریوان لە ئەنجامی تەقەی هێزە سەرکوتکەرەکانی ڕێژیم لە سنووری نەسوود برینداربوون.
هەر لەو پێوەندییەدا شەوی ڕابردوو ڕێکەوتی ٩ی بامەمەڕی ساڵی ١٤٠١ی هەتاوی ، کۆڵبەرێک بە ناوی “سەفەر سوبحانی” خەڵکی گوندی دووریسانی پاوە لە سنووری نەوسوود بە تەقەی هێزەکانی رێژیم گیانی لە دەست دا.
